වසර 4ක් තුළ කටුනායකදී රේගු දැලට හසු වූ විශාලතම හෙරෝයින් තොගය...

පසුගිය වසර 4 ක කාලය තුළ කටුනායක ගුවන් තොටුපලේදි අත්අඩංගුවට ගත් විශාලතම හෙරෝයින් තොගය රේගු මත්ද්‍රව්‍ය නාශක කාර්යංශය විසින් අද අත්අඩංගුවට ගනු ලැබිණි.

රේගු මාධ්‍ය ප්‍රකාශක ලෙස්ලි ගාමිණී මහතා සඳහන් කළේ කිලෝ ග්‍රෑම් 1 ට අධික හෙරොයින් තොගයක් සමග ඉන්දියාවේ චෙන්නායි සිට පැමිණි සැකකරුවෙක් අත්අඩංගුවට ගත් බවය.

යු.එල්.122 ගුවන් යානයෙන් මෙම පුද්ගලයා මෙරටට පැමිණ ඇති බව සඳහන්ය.

ගුවන් යානා මත්තලට..

2014 ජනවාරි මාසයේ සිට කටුනායක බණ්ඩාරනායක ජාත්‍යන්තර ගුවන් තොටුපල දිනකට පැය 08 වසා දැමීමට තීරණය කර ඇතැයි ගුවන් තොටුපල හා ගුවන් සේවා සමාගමේ අභ්‍යන්තර ආරංචිමාර්ග පවසනවා.

මෙම තීරණය ගෙන ඇත්තේ කටුනායක ගුවන් තොටුපලේ ගුවන් ධාවන පථය අලුත්වැඩියා කිරීම සඳහා බව කියැවුණා.

එම දෛනිකව අහිමිවන පැය 08ක කාලය තුල මෙරටට එන සහ යන ගුවන් යානා හම්බන්තොට මත්තල ගුවන් තොටුපල හරහා මෙහෙයවීමට තීරණය කර ඇතැයි මේ අනුව වාර්තා වුණා.