යෞවන කටයුතු සහ නිපුණතා සංවර්ධන අමාත්‍ය ඩලස් අලහප්පෙරුම මහතා ඊයේ (10) මාතෘ සහ ළමා සායන මධ්‍යස්ථානයකට ඇතුල්වී ඇතැයි වාර්තා වේ.
ඔහු එසේ සායන මධ්‍යස්ථානයට ඇතුළු වී ඇත්තේ දික්වැල්ල දන්දෙණිය මාතෘ සහ ළමා සායන මධ්‍යස්ථානයේ නිරීක්ෂණ චාරිකාවක නිරත වෙමිනි.
එම අවස්ථාවේ අමාත්‍යවරයා විසින් එහි සංවිධානය කර තිබූ සුහඳ හමුවට එක් වී ඇති අතර එම සුහඳ හමුව ඇමතීමට එක් මවකටද ආරාධනා ලැබී තිබුණි.
අදාළ අවස්ථාවේ එම මවගේ කිරිකැටි දරුවා ඇයගේ කතාව අවසාන වනතුරු අමාත්‍යවරයා තම නායක ජනාධිපතිවරයා අනුගමනය කරමින් උකුලේ හොවාගෙන සිටි ඇත.
ඇමතිවරයාගේ මාධ්‍ය ඒකකය ඊට අදාළ ජායාරුප මාධ්‍ය වෙත නිකුත් කර ඇත.
